208 百年前的學校旅行 (部分內容)

【台文】

Tsit款原本tī日本有ê「修學旅行」，mā綴日本教育開始tī台灣舉行。彼時已經有分足濟款ê修學旅行，tī khah近ê所在叫做遠足，一工內就ē當來回。Mā有peh山訓練，尤其彼當陣時行去peh新高山 （玉山）iah是中央山脈ê一寡山。彼時mā已經有環島旅行，就是先生𤆬學生坐車遊台灣一輪。Mā有地方ê旅行，是特別去參觀一寡產業，iah mā有臨海教育，就是𤆬學生仔去住tī海邊leh上課。

Tsia-ê活動m̄-nā hōo學生仔熟似大自然，教in地理，教歷史文化，同一個時間mā是殖民政府進行同化教育ê一款方式，台灣學生ē𤆬去看一寡日本人創造出來ê文明建設，也會𤆬in去看植物園、公園 、博覽會。特別lóng ē 𤆬in去神社參拜，去了解日本人ê宗教，學做日本人。

【華文】

這種原來在日本有的「修學旅行」，也隨著日本教育在台灣開始舉行。那時就有分很多種，比較近的叫做遠足，一天以內可以來回。也有爬山訓練，尤其那時流行爬新高山（玉山）或者中央山脈。那時也已經有環島旅行，就是老師帶學生坐車繞台灣一圈。也有地方旅行，特別去參觀一些產業；也有臨海教育，是帶學生去住在海邊上課。

這些活動不僅讓學生認識大自然，教地理，也教歷史文化，同一個時間也是殖民政府進行同化教育的方式，學生會被帶去看一些日本人創造的文明設施，也會帶他們去看植物園、公園 、博覽會。也會被帶去神社參拜，認識日本人的宗教，學當日本人。

208 百年前的學校旅行

 

Tsit站仔真濟人leh討論學校ê畢業旅行，袂少人mā分享家己過去ê經驗。

你敢知影一百冬前ê畢業旅行生做啥款？

彼時in ē安排

✅Peh山

✅坐阿里山火車

✅參觀博物館

✅去神社參拜

✅kah別間學校交流

……

mā有學校ē𤆬學生出國參訪。

In tio̍h開偌濟錢？kah tsit-má有啥物無仝？

這集做伙來了解百年前ê學校旅行

你iáu ē記得細漢ê學校旅行？歡迎留話kah逐家分享！

這陣子學校畢業旅行的行程安排成為熱門話題，不少人開始分享自己過去的經驗。

你知道一百年前的學校旅行是什麼樣子的嗎？

那時的行程可能有以下這些：

✅爬山

✅坐阿里山小火車

✅參觀博物館

✅參拜神社

✅和別校交流

……

有的學校甚至會出國參訪。

當時的花費大概要多少？交通工具是什麼？跟現在有什麼不一樣的地方？

這集一起來了解百年前的學校旅行。

你也有印象深刻的校外教學嗎？歡迎留言跟我們分享！

歡迎收聽

台灣的第一位女導演

今仔日5个導演內面有1个查某，Hollywood 佇1960年進前kan-nā有2个查某導演。

佇台灣1950年代就有一个三十外歲，7个囡仔ê老母，捌家己拍6塊台語電影。

陳文敏，本名號做陳粉，原本是三重埔大明戲園kap電影製片廠ê頭家娘。 

伊m̄捌學過電影，姑不而終去拍片，無想tio̍h觀眾koh真合意。

伊就開始家己寫劇本，揣演員，做導演，剪接，放影mā lóng家己來。

佇第一屆ê「台語電影展覽會」伊就有三齣入選。

後來1959年in尪出車禍，伊去kā顧，公司交hōo別人處理，結果三個月後變負債累累。

伊koh傱錢拍《乞丐招囝婿》，揹機械𤆬囡仔，全台灣巡迴放影。

電影真濟人看， m̄-koh 巡迴放送成本足懸，到尾iah是了錢，伊才規个收起來。

舊年伊103歲tī國外過身。

陳炎生，2003，《台灣的女兒：台灣第一位女導演陳文敏的家族移墾奮鬥史》。玉山社。

請收聽〈207 台語電影的起落〉