目錄
話頭/序
梳妝打扮
洗身軀 / 洗澡
鉸頭毛 / 剪頭髮
台灣衫生做啥mih款? / 台灣服長什麼樣子?
穿鞋iah是褪赤腳? / 穿鞋還是赤腳?
身分證ê變化 / 身分證的變化
印仔ê無仝用途 / 印章的不同功能
電器用品
新舊冰箱ê故事 / 新舊冰箱的故事
台灣人佮意舊型ê電鍋 / 台灣人最愛老式電鍋
啥mih是水火燈? / 什麼是水火燈?
第四台是按怎來? / 第四台從何而來?
敲電話ê方式 / 打電話的方法
徛家kah交通
Uì紅瓦厝到三房兩廳 / 從紅瓦屋到三房兩廳
便所足重要 / 廁所非常重要
亭仔跤是按怎hiah-nī濟? / 騎樓為何那麼多?
車路ê發展 / 道路的發展
文車武車按怎分? / 文車武車怎麼分?
野雞仔車kah雞有啥關係? / 野雞車和雞有何關係?
學校教育
托兒所m̄是幼稚園 / 托兒所不是幼稚園
上早ê女子學校 / 最早的女子學校
國民健康操ê Lucy是誰? / 國民健康操的Lucy是誰?
學校制服ê歷史 / 學校制服的歷史
購書請上
博客來 https://www.books.com.tw/products/E050149972
樂天Kobo https://www.kobo.com/tw/zh/ebook/cgT_Zl-JiDOEkNyfr_TmSQ
Pubu電子書城 https://www.pubu.com.tw/store/4480852
洗身軀
洗身軀ê學問真深,到底佗一工洗身軀?是beh透早iah是ing暗洗?beh按怎洗身軀?用沖ê,用拭ê?Tsia
lóng無固定ê規矩。台灣傳統風俗是tī五月節中晝ê時tsūn,用艾草洗身軀;產婦做月內ê時是規个月lóng bē-tàng洗身軀。Tī台灣真濟人是beh睏進前洗身軀,m̄是透早起床才洗;而且是一工洗一擺,m̄是幾若工才洗一擺iah是一工洗幾若擺。洗身軀kah氣候、環境、水利設備、文化風俗lóng有關係。
若是kah日本人比,台灣人有影無愛洗身軀。日本人統治台灣以後,in對台灣人按怎洗身軀就有詳細ê記載。Tī一本上早有紀載台灣風俗習慣ê冊《台風雜記》就有寫tio̍h台灣人無愛洗身軀。作者講台灣人洗身軀lóng是用水潑潑leh,kā手kah面拭拭leh就準拄煞,身軀tiānn-tiānn有臭味。伊koh寫講,台灣人就是無愛洗身軀,衫才真緊垃圾,伊tiānn-tiānn看到溪邊有婦人人提箠仔leh洗衫。伊講若無洗身軀kan-na洗衫,m̄是保持清氣ê好辦法(佐倉孫三,1961)。另外一本1921年台南地方法院通譯官寫ê《台灣風俗誌》,mā講台灣人是暗時食飽了洗身軀,熱天是逐工洗,寒天是一禮拜才洗一擺,而且kan-na用面桶貯燒水,用澹面巾拭身軀。雖罔去公共浴場ê人有變濟,m̄-koh kan-na查埔人ē去,查某人歹勢入去(片岡巖,1994)。彼時日本人就有浸燒水ê習慣,in看著台灣人用拭身軀ê方式lóng無法度接受。
古早人有真濟原因無tiānn-tiānn洗身軀。一个m̄洗身軀ê原因是認為褪衫仔褲ē
hōo風吹著身軀,ē破病,就親像坐月內bē使洗身軀、洗頭ê理由相仝。日本人統治台灣以後,khai始教產婦用燒水拭身軀,hōo bē 少受過新式教育ê女性無koh因為做月內無洗身軀。過去紅嬰仔出生mā無用水洗,kan-na用油kah一塊布kā身軀拭清氣。Uì 1930年代khai始推廣ê醫護教育才叫人tio̍h kā紅嬰仔洗身軀。
另外一个比傳統禮俗koh khah重要ê原因是古早無浴間仔。台灣人tī彼時洗身軀ê方式足簡單因為無洗身軀ê所在。逐家koh驚塗跤ē澹去,所以查埔tiānn tī灶跤,無褪衫仔褲,提面桶kah面巾拭身軀。查某是tī房間內洗,基本上mā是用澹面巾拭身軀。有ê查埔人kah囡仔ē
tī厝外口洗;溪邊,古井邊,樹仔跤,門口ê稻埕lóng是拭身軀ê所在。
彼時厝內無浴間仔ê主要原因是裝水管、起浴間是一个相當複雜ê工程。無論是欲kā地下水、泉水iah是自來水引入來厝內,這項技術tuì彼時ê人來講真無簡單。自來水是日本時代才khai始有,1930年代台灣好額人ê家庭mā
khai始起浴間仔、裝自來水,m̄-koh kan-na少數ê家庭有。一直到日本人離開台灣ê時tsūn,台灣有自來水ê家庭iáu無夠兩成,大部分用ê水是古井水。按照彼時日本人ê調查,台灣人若有浴間仔,大部分lóng是起tī灶跤ê邊--a iah是後壁,用磚仔iah是用柴枋隔一間一坪大小ê浴室,m̄-koh洗身軀用ê水是uì外口iah是uì灶跤捾入去。
台灣人後來khah捷洗身軀是kah日本政府認真起公共浴場koh推廣个人衛生有關。其實tī日本人推廣進前台灣就有公用ê浴池,大部份lóng開tī艋舺tsit款鬧熱ê所在,m̄-koh tsia-ê公共浴池無衛生管理,而且kan-na查埔人ē去。1912年總督府為tio̍h鼓勵台灣人洗身軀,khai始建設公共浴場,大部分lóng起tī溫泉區,交通無方便ê所在,所以洗溫泉親像去郊外旅遊,敢有kā身軀洗hōo清氣m̄是重點。因為tsia-ê公共浴場ài付錢,kan-na khah有錢ê人才有法度去。
後來為tio̍h hōo khah濟人看重身軀清潔衛生,日本政府kā浴場當作社會福利事業leh經營,tī市內mā
khai始設公共浴場,koh鼓勵民間家己設。Uì彼時起,去市內ê公共浴場洗身軀變真俗,甚至有免費ê浴場。仝時tsūn tī學校kah報紙lóng加強宣傳洗身軀kah个人衛生健康ê重要。雖罔án-ne,初期ê效果並無好,拄khai始台灣人認為kah別人用仝一个浴池真無衛生,而且台灣人mā無習慣褪腹裼kah別人做伙洗身軀,所以頭起先入去浴場ê人無濟。後來是看tio̍h公共浴場有彼當tsūn真稀罕ê燒水,去洗ê人才漸漸變濟。M̄-koh真濟人無習慣先tī外口kā身軀洗清氣才入去浴池浸,所以浴場內底lóng ē貼告示,請逐家m̄-thang tī水池仔內面lut-sian iah是放尿。
根據1938年ê統計,彼時台灣各地已經有53座公共浴場,真濟設tī溫泉區,親像tī北部ê北投、草山、礁溪,tī南部是關仔嶺、四重溪,台東ê知本,lóng有公共浴場。仝一个時tsūntī市區mā有,尤其是tī學校、員工宿舍、糖廠kah工廠lóng有公共浴場。政府iáu
koh獎勵tī庄跤設浴間,mā鼓勵逐家用浴桶洗身軀(坂井洋,2018)。因為日本政府ê推廣,台灣人慢慢熟似浸tī水底洗身軀ê方式。
台灣人敢真正完全接受kah日本人學ê習慣?其實mā無。雖罔逐家lóng接受文明社會ê衛生觀念,m-koh台灣人iáu是無習慣褪腹裼kah別人做伙洗身軀。所以日本人離開了,厝內ê浴間仔khai始普遍,公共浴場mā漸漸無去,無像日本、韓國ê公共浴池ê人tsiah-nī濟。親像台灣人愛洗溫泉,m̄-koh無穿衫kah外人做伙浸mā無濟。除了褪腹裼ê文化無仝以外,洗溫泉iáu是台灣ê重要休閒活動,雖罔民間ê公共浴場無去,m̄-koh溫泉並無減少。
除了日本人起公共浴場,hōo台灣人漸漸習慣洗身軀,戰爭以後洗身軀ê習慣mā有變化。受到戰爭影響,戰後有自來水ê家庭比戰爭進前koh khah少。雖罔日本時代已經起水庫,牽水管,m̄-koh一直到1950年代,台灣自來水ê普及率iáu無夠三成,浴間mā iáu是足稀罕。M̄-nā庄跤厝無浴間仔,都市新起ê公寓mā無浴間。拄khai始逐家iáu是靠公共浴場,庄跤iáu是使用古井水khah濟。一直到1970年代有一半ê家庭有自來水,彼時厝內ê浴間有裝自來水ê家戶才漸漸增加。家家戶戶lóng有家己ê浴間仔kah便所是1980年代以後才有ê代誌--ah。
台灣人洗身軀ê器具有啥mih變化?過去洗身軀有無仝款承水ê桶仔。逐家lóng有聽過臉桶、腳桶、浴桶,tsia-ê桶仔大小kah懸低lóng無仝,用途mā無仝款。Tsit-má真少人聽過腰桶,啥mih是腰桶?腰桶koh 號做囝孫桶。腰桶比腳桶khah懸,m̄-koh桶仔ê底mā khah懸,m̄免裝koh khah濟ê水。平常時查某人月事來洗,ē-tàng用來洗下面iah是用來洗內褲,生囡仔ê時是提來坐浴,mā
ē-tàng提來洗紅嬰仔,tsit-má已經看bē tio̍h腰桶--ah。
現代ê便所設備真齊全,有洗浴槽,水道頭,熱水爐,m̄-koh台灣人洗身軀ê習慣有改變偌濟? 研究講tī 1980年代,台灣已經差不多家家戶戶有浴間ê時tsūn,iáu是bē少人無論熱天iah是寒人lóng是用臉桶iah是跤桶貯水舀出來洗。雖罔bē 少家庭lóng有洗浴槽,m̄-koh真正用洗浴槽來洗身軀ê人無濟。若是án-ne是按怎過去ê厝內lóng有洗浴槽?真可能tī彼个年代,逐家無反對厝內加一个洗浴槽,因為tiānn-tiānn
leh停水,洗浴槽ē-tàng提來貯水(陳修兀,1990)。Mā有可能浸tī水底,了水koh了時間,真濟人ê習慣是tī浴間內面tī洗浴槽落水,徛tī外口舀水出來沖身軀。
因為m̄是逐家lóng
tiānn-tiānn ē浸燒水,洗浴槽無時常用tio̍h,台灣ê公寓面積koh細,後來就變成kan-na沖水ê浴間仔,m̄-koh因為用沖ê,koh驚地板澹去ē滑倒才khai始有ta濕分離這款設計。1990年代時行ê三溫暖kah按摩浴槽是代表身分地位ê設備;一方面真貴,另外一方面厝ài有夠大間,才有所在thang裝三溫暖iah是囥一个hiah-nī大ê浴槽。
除了浴間設備以外,用來洗身軀ê清潔用品敢有改變?這部分ê變化上濟。古早有茶箍,茶箍是茶籽炸油賰ê茶籽粕,壓做規塊,欲用ê時捻一塊仔浸燒水,mā有人囥落鼎裡煮。浸著水ē出泡,就thang提來洗身軀。南部做茶ê工廠khah少,所以茶箍khah少看,顛倒是黃目子足濟,免khai錢就有thang抾。黃目子mā號做無患子,ē使提來洗頭毛。因為早期是用茶箍洗身軀,後來有用油做ê雪文,mā kā 號做「番仔茶箍」,甚至中部人kā雪文叫做茶箍,雖罔這兩項ê原料kah使用ê方式完全無仝(沈佳姍,2009)。台灣家己生產ê第一罐洗浴精是1979年上市,就是到tann
long koh買ē-tio̍h ê澎澎香浴乳。
注釋
進前 tsìn-tsîng:之前
婦人人 hū-jîn-lâng/hū-lîn-lâng:婦女
箠仔 tshuê-á/tshê-á:棍子
清氣 tshing-khì:乾淨、清潔
暗時 àm-sî:晚上
塗跤 thôo-kha:地板、地面
褪腹裼 thǹg-pak-theh:打赤膊
lut-sian:搓垢
庄跤 tsng-kha:鄉下、農村
懸低 kuân-kē:高低
洗浴槽 sé-i̍k-tsô:浴缸
水道頭 tsuí-tō-thâu:水龍頭
賰tshun:剩餘
雪文 sap-bûn:肥皂
洗澡大有學問,到底哪一天洗澡?是早上洗還是晚上洗?如何洗澡?是用沖的,用泡的?並沒有固定的規矩。台灣傳統習俗是在端午節中午的時候,用艾草洗澡;產婦坐月子的時候是一整個月都不能洗澡。多數人是睡覺前洗澡,而不是早上起床後才洗澡;而且是一天洗一次澡,不是好多天才洗一次或者一天洗好多次。洗澡和氣候環境、水利設施、文化習俗都有關係。
相較於日本人,台灣人確實不愛洗澡。日本人來了後,對於台灣人如何洗澡開始有詳細的記載。在一本最早紀錄台灣風俗習慣的書《台風雜記》就寫到,台灣人不愛洗澡。作者說台灣人洗澡都是用水潑一潑,手和臉擦一擦而已,所以身上常有異味。他還寫到,因為台灣人不愛洗澡,衣服很容易髒,所以他常常看到溪邊有婦人拿著棍子洗衣,但是若不洗澡只洗衣服,並不是維持清潔的好方法(佐倉孫三,1961)。另外一本1921年由台南地方法院通譯官寫的《台灣風俗誌》,也說台灣人是晚上吃飽以後洗澡,夏天每天洗,但是冬天一星期才洗一次,而且只用臉盆裝溫水,拿濕毛巾擦身體。雖然到公共浴場去的人變多,但是只限男性,女性因為害羞不會去(片岡巖,1994)。在當時已有泡澡習慣的日本人看到台灣人的擦澡方式都無法接受。
古時候台灣人不常洗澡的原因有很多。一個不洗澡的原因是台灣人認為脫下衣服,身體被風吹到,有害健康,就像產婦坐月子時,不可洗澡、洗頭的理由一樣,所以並不常洗澡。日本人統治台灣以後,開始教產婦用溫水擦身體,讓不少受過新式教育的女性,漸漸不受坐月子不能洗澡這項習俗的影響。過去新生兒出生也不用水清洗,只用油和一塊布把身體擦乾淨。從1930年代開始因為醫護教育推廣,小嬰兒才用水洗澡。
另外一個比傳統習俗更重要的原因是早期沒有浴室。依照紀載,台灣在那個時候洗澡的方式很簡陋。沒有洗澡的地方又怕弄濕地板,所以男性常在廚房裡,拿著裝水的臉盆,並沒有脫衣褲,僅用濕毛巾擦身體。女性則在臥室洗,基本上也是用濕毛巾擦身體。有些男性和小孩則是在戶外洗;河邊,古井邊,樹下,門前的曬穀場都可以是提水擦澡的地方。
那時家中沒有浴室的主要原因是裝水管、蓋浴室是一件相當複雜的工程。不管是要將地下水、山泉水還是自來水引進家中,技術上對當時的人來說很困難,況且自來水是日治時期才開始有。1930年代台灣富裕的家庭才開始建浴室、安裝自來水,但也僅限於少數家庭,直到日本人離開台灣的時候,還不到2成的台灣家庭有自來水,大多數家庭用的都是井水。按照當時日本人的調查,台灣人若有浴室,大多設在廚房旁邊或者後方,用磚頭或木板隔一間一坪大小的浴室,但是洗澡用的水是從外面或者廚房提進去。
台灣人後來比較常洗澡和日本政府認真蓋公共浴場以及推廣個人衛生有關。其實早在日本人推廣以前台灣就有公用的浴室,大多設在像在艋舺這種熱鬧的地方,但是這些公共浴場並沒有衛生管理,而且只有男生會去。1912年,總督府為了鼓勵台灣人洗澡,開始興建公共浴場,但是大部分都蓋在溫泉區,交通不方便的地方,所以洗溫泉像是去郊外旅遊,是否將身體洗淨並不是重點。因為這些公共浴場需要付費,較有錢的人才去得了。
後來為了讓更多人做好身體清潔衛生,日本政府將澡堂當作社會福利事業經營,在市區也開始開設公共浴場,也鼓勵民間自己開設。從那時候起,到城裡的公共浴場洗澡變得很便宜,甚至有免費的浴場。同時在學校裡和報紙上都加強宣傳洗澡和個人衛生健康的重要性。即便如此,初期的成效並不好,一開始台灣人認為多人共同使用一個浴池很不衛生,而且台灣人也不習慣光著身體和別人一起洗澡,所以剛開始進澡堂的人並不多。後來是因為澡堂提供當時稀有的熱水,去澡堂的人才漸漸變多。但是許多人並不習慣先在外頭將身體洗乾淨再入浴,所以浴場裏都會張貼告示,請民眾不可在水池裡搓垢或者小便。
根據1938年的統計,當時台灣各地已經有53座公共浴場,大多設在溫泉區,向北部的北投、草山、礁溪,南部的關子嶺、四重溪,台東的知本,都有公共浴場。同時在市區也有,尤其在學校、員工宿舍、糖廠和工廠都有設公共浴場,甚至還獎勵在鄉下設浴室,也鼓勵大家用風呂桶洗澡(坂井洋,2018)。因為日本政府的推廣,台灣人逐漸認識泡在水裡的洗澡方式。
台灣人真的完全接受和學到日本人的習慣嗎?其實並不盡然。雖然大家也都接受文明社會的衛生觀念,但是台灣人還是不習慣裸露身體和很多人一起洗澡。所以在日本人離開,家庭浴室開始普及,公共浴場也就逐漸消失,不像日本、韓國的大眾澡堂還是如此普遍。就像台灣人愛泡溫泉,但是和別人一起裸體泡湯並不常見。即使裸體文化不同,泡溫泉卻也成為台灣的重要休閒活動,雖然民間的公共浴場消失,但是溫泉並沒有減少。
除了日本人蓋公共浴場,讓台灣人漸漸習慣洗澡,戰爭後洗身體的習慣也有變化。受到戰爭影響,戰後有自來水的家庭比戰爭前更少。雖然日治時期已經蓋水庫,設水管,但是直到1950年代,台灣自來水普及率還不到三成,浴室也還是很稀有。不只鄉下房子沒有浴室 都市新蓋的公寓也沒有浴室。一開始大家還是靠公共浴場,鄉下還是使用井水居多。直到1970年代將近一半的家庭才有自來水,那時家中浴室有安裝自來水的戶數也逐漸增加。等到家家戶戶都有自己的浴室廁所是1980年代以後的事了。
台灣人的洗澡用具有哪些改變?過去清潔身體有各式各樣的盛水容器,大家都聽過有臉盆、腳盆、水桶等等,這些桶子大小和高度不同,用途也不一樣;但是現在很少人聽過腰桶,何謂腰桶?腰桶又稱為子孫桶。腰桶比腳桶高,但是桶底也比較高,並不需要裝更多水。平常婦女月事來時,可用來洗下身或者洗內褲,生產時用來當坐盆,也可以用來洗小嬰兒,現在已經看不到腰桶了。
現在的浴間設備很齊全,有浴缸,水龍頭,熱水器…….但是台灣人洗澡的習慣改變多少? 研究說,在1980年代,也就是台灣已經差不多家家戶戶有浴室的時候,其實還是不少人無論夏天冬天都是用臉盆或腳盆裝水,舀水出來洗。雖然不少家裡都有浴缸,但是真的用浴缸洗澡的人並不是很多。那為什麼過去家中都裝有浴缸?可能在那個年代,大家並不反對家裡有一個浴缸,因為常常停水,浴缸可用來儲水(陳修兀,1990)。也可能泡澡既浪費水又花時間,許多人的習慣是在浴室裡用浴缸裝水,站在浴缸外將水舀出來沖身體。
因為大家不常泡澡,浴缸不常用到,台灣的房子面積又小,所以後來就變成只有淋浴的浴室,但是淋浴又擔心地板變濕容易滑倒,所以開始有乾濕分離這種設計。1990年代流行的三溫暖和按摩浴缸代表著身分地位;一方面很貴,另外一方面房子要夠大,才有地方可裝三溫暖或放一個大浴缸。
除了浴間設備之外,用來清潔身體的清潔用品有改變嗎?這部分變化最多。古時候有茶箍,茶箍是茶籽壓榨取油剩下的茶籽粕,然後壓成一整片,要用時捏一小塊用熱水沖,也有人放到鍋裡煮。泡水後會出現泡沫,可用來洗澡。南部做茶工廠較少,所以茶箍比較少見,反而黃目子很普遍,不用花錢就撿得到。黃目子也稱為無患子,可用來洗頭。因為早期是用茶箍洗澡,後來出現油做的肥皂時,還將其稱為「番仔茶箍」,甚至中部人把肥皂也叫做茶箍,但兩者原料和使用方法完全不同(沈佳姍,2009)。台灣自產的第一瓶沐浴乳1979年上市,是直到今天都還買得到的澎澎香浴乳。
參考資料
佐倉孫三,1961,《台風雜記》。台灣銀行經濟研究室編印。
片岡巖,1994,《台灣風俗誌》。陳金田翻譯。台北:眾文。
坂井洋,2018,《泡在台灣:台灣溫泉的發展與泡澡行為之變遷》。國立政治大學台灣史研究所博士論文。
沈佳姍,2009,《台灣日日新:阿祖ㄟ身體清潔五十年》。台北:台灣書房。
陳修兀,1990,《台灣地區住宅的浴廁空間、設備、使用行為沿革及使用現況調查研究》。國立成功大學建築研究所碩士論文。