201 本土汽水，世界ê沙士

黑松沙士ê英文名是HeySong Sarsaparilla，

因為用植物Sarsaparilla做-ê，tio̍h用頭前ê音，號名叫沙士。

英語Sarsaparilla抑是西班牙語Zarzaparilla 攏是仝款ê植物。 

佇真濟國家攏有用這項原料做ê飲料，mā 攏叫做sarsaparilla/zarzaparilla

西班牙1960年代就有ê #Zarzaparilla 1001真早就退出市場，

m̄過墨西哥Zarsaparilla口味ê #Tepehuani涼水到今猶閣佇超市買ē著。

美國有袂少Sarsaparilla ê牌子，上出名ê是Sioux City (因為電影The Big Lebowski有講著)。

英國ê Schweppes mā有出sarsaparilla口味ê汽水，仝國上有歷史ê草藥店G. Baldwin & Co.講in佇19世紀就做Sarsaparilla藥水出來賣--ah。

澳洲除了飲料以外猶koh有sarsaparilla糖仔 (等於是台灣ê沙士糖仔)

到底這ê飲料uì佗位來？逐國廣告ê講法mā無相仝

台灣ê黑松公司講是uì墨西哥來--ê；

英國講是uì加勒比海ê小島引進--ê。

西班牙講是百分之百國產，產地就是加納利群島；

墨西哥mā認為是土產，廣告講是神ê飲料。

美國認為是印地安人發明，後來變做西部ê飲料，

Siouxcity寫講 "It's like having the Wild West in a bottle!"

Sarsaparilla屬佇菝葜科(Smilacaceae)，這个家族袂細，有300-350種，生湠佇熱帶和亞熱帶ê所在，莫怪歐洲kap美洲攏講是in ê土產飲料。台灣ê鱟殼刺就屬這科，有利尿、解毒ê功能。

雖罔各地攏有沙士，m̄-koh 逐間公司ê配方攏無仝，台灣ê #黑松沙士 iah是獨一無二。

請聽本土汽水ê歷史〈201 本土品牌汽水〉

201 本土品牌汽水

【6:00-7:07】

台文 

台灣ê黑松汽水就是佇日本時代就創辦--ah，算是tsit-má 台灣上有歷史ê汽水公司。黑松ê創辦人是張文杞kah張有盛兩个兄弟仔。張文杞是先tī台灣菸草工廠leh修理機器，伊做到20歲ê時陣tō辭職，家己出來做生理。伊tī台北車頭ê後面leh賣碗糕ê時陣，隔壁拄仔好是leh做汽水ê工廠，伊tiānn-tiānn去看。Tī1924年，伊聽著有一个日本人ê汽水工廠拄仔好beh賣，伊就轉去in兜，向in兜ê親情募資，大家合股用彼當陣ê19000箍kā汽水工廠ê設備買lo̍h來。In就成立一个商會，開始tī台北做汽水。彼當陣ê汽水是半手工做-ê，m̄是kan-na機械就有法度，一分鐘kan-na ē當做出兩罐氣水。

華文

台灣的黑松汽水就是在日本時代創辦的，算是現在台灣最有歷史的汽水公司。黑松的創辦人是張文杞和張有盛兩兄弟。張文杞先在台灣菸草工廠修理機器，他做到20歲時辭職，自己出來做生意。他在台北車站的後頭賣碗糕的時候，隔壁就是在做汽水的工廠，他常常去看。在1924年，他聽到有一個日本人的汽水工廠正好要賣，他就回家向他們家的親戚募資，大家合股用那時的19000圓把汽水工廠的設備買下來。他們成立了一間商會，開始在台北做汽水。當時汽水是半手工做的，無法只靠機器，一分鐘只能做出二瓶汽水。

200 用聲音工作的人

 【3:16-4:48】

戰後thìng後到1950年代開始，台灣ê電影開始發展，拍電影mā uì現場錄音變做規片配音。因為彼時錄音kah後面修整ê技術無tsit-má hia-nī好。若是tī外面拍ê戲現場錄音ê品質sī真䆀，tī室外ē kā四箍輾轉ê聲lóng收入來，紲落來in mā in mā 真歹處理。改用tī錄音室錄ê配音m̄-nābô這款問題，mā hōo tī外面拍戲ê成本降低，因為m̄免koh ū收聲iah是錄音ê設備。對演員來講mā khah方便，因為過去若是tī外面錄音ê聲無好，koh ài家己入去錄音室重錄一擺。規片lóng用配音，按呢就無一定ài家己去錄音，ē使hōo別人去錄。

這段電影配音ê時間真長，差不多有二三十冬ê時間。因為技術ê限制，無論是台語iah是華語片lóng是配音。大家應該lóng無想過早期看ê秦祥林、林青霞，in講話ê聲lóng m̄是in家己ê，是別人ê聲。所以in後來tshiūnn電視ê時，講話聽起來kah電影內底lóng無相仝。

戰後等到1950年代起，台灣電影開始發展，拍電影也從現場錄音變成全片配音。因為那時錄音和後面剪輯的技術沒有現在這麼好。若是在外面拍的戲現場錄音的品質很差，在室外會把四周的聲音都收進來，接下來也很難處理。改用在錄音室錄的配音不僅沒有這些問題，也讓在外面拍戲的成本降低，因為不須使用收聲、錄音的設備。對演員來說也較方便，因為過去若是在外面錄音的聲音不好，還要自己進錄音室重錄一次。全部都用配音就不一定要自己錄音，可以讓別人去錄。

這段電影配音的時間很長，差不多有二三十年的時間。因為技術的限制，無論是台語或是華語片都是配音。大家應該都沒想過早期看的秦祥林、林青霞他們說話的聲音都不是他們自己的，是別人的聲音。所以他們後來上電視的時，說話聽起來都和電影不太一樣。