【Kong-hn̂g lāi-té ê chio̍h-thâu-á-lō͘】
過去有段時間台灣大大小小的公園裡常看得到鵝卵石加水泥鋪成的健康步道。這樣的設計很特殊，許多外國人或者年輕人應該不知道有什麼用途。健康步道怎麼來的？
Kòe-khì ū chi̍t tōaⁿ sî-kan Tâi-oân tōa-tōa-sè-sè ê kong-hn̂g lóng khòaⁿ ē tio̍h chio̍h-nn̂g lām âng-mô͘-thô͘ pho͘ ê kiān-khong pō͘-tō. Chit khóaⁿ siat-kè chiok te̍k-sû, gōa-kok-lâng kah siàu-liân-lâng eng-kai m̄ chai-iáⁿ sī siáⁿ-mih iōng-tô͘. Chia ê chio̍h-thâu-á lō͘ sī án-chóaⁿ lâi ê?
健康步道的出現和打赤腳走路以及腳底按摩的推廣有關。當年吳若石神父鼓勵大家到海邊踩鵝卵石，刺激足底反射區，又考慮到年長者到海邊不方便，所以提到可以在公園鋪鵝卵石。當時花蓮縣政府率先響應，隨後各縣市也開始在公園蓋健康步道，幾乎每個公園裡都有，而且早晚都有許多人光著腳在上面行走。
Kiān-khong pō͘-tō kah thǹg-chiah-kha kiâⁿ-lō͘, kha-té-àn-mô͘ ê thui-kóng iú koan.Hit-sî Ngô͘ sîn-hū kó͘-lē ta̍k-ke khì hái-piⁿ ta̍h chio̍h-nn̂g, chhì-khek kha-té, koh siūⁿ tio̍h ū nî-kí ê láu-tōa-lâng khì hái-piⁿ bô hong-piān, tō kóng ē-sái tī kong-hn̂g pho͘ chio̍h-thâu-lō͘. Hit-tang-chūn Hoa-lian chèng-hú siōng tāi-seng chò, āu-lâi kok koān-chhī mā khai-sí tī kong-hn̂g pho͘, chha-put-to ta̍k ê kong-hn̂g lóng ū, chá-àm lóng ū bē chió lâng tī hiah leh kiâⁿ.
但是健康步道的施工，沒有標準規範，加上有些地方鋪的是尖銳的碎石頭，反而讓使用者後來需要就醫。醫生們則出來告訴大家走健康步道若太過刺激、造成疼痛反而不好。結果2006年台北市政府正式下令禁止公園設置健康步道，有些大公園裡的步道也被拆除。公共設施拆拆建建的非常多，公園裡的健康步道只是其中一個。
M̄-kò chia-ê kiān-khong pō͘-tō ê si-kang, bô piau-chún ê kui-tēng, ū ê só͘-chāi pho͘ chiam ê chhùi-chio̍h-á, tian-tò hō͘ sú-iōng-lâng tio̍h khì chhōe i-seng. I-seng mā chhut lâi kóng kiâⁿ kiān-khong-pō͘-tō nā-sī siuⁿ kòe chhì-khek, ē thiàⁿ m̄ hó. Kiat-kó 2006 nî Tâi-pak chhī chèng-hú kìm-chí siat chit khoán chio̍h-thâu-lō͘, tōa kong-hn̂g lāi-bīn ê mā thiah-tû. Kong-kiōng siat-si thiah-lâi thiah-khì ê chiok chē, kong-hn̂g lāi ê chio̍h-thâu-á-lō͘ chí sī kî-tiong ê chi̍t ê.
更多台灣人打赤腳和穿鞋的故事，請聽〈181 穿不穿鞋有關係〉
照片: KEPWAK111
